O whistle,an' i'll come to you,my lad;
O whistle,and i'll come to you,my lad;
Though father and mither should baith gae mad,
O whistle,and i'll come to you,my lad.

But warily tent,when ye come to court me.
And come na unless the back-yett be a-gee;
Synce up the back-stile,and let naebody see,
And come as ye were na comin' to me.
O whistle etc.

At kirk,or at market,whene'er ye meet me,
Gang by me as though that ye cared nae a flie,
But steal me a blink o' your bonnie black eye,
Yet look as ye were na lookin' at me.
o' whistle and etc.

Aye vow and protest that ye care na for me,
And whiles ye may lightly my beauty a wee;
But court na anither,though jokin' you may be,
For fear that she wile your fancey frae me.
O whistle and etc.