Castles in the Sky

The bonnie,bonnie bairn,wha sits poking in the ase,
Glowering in the fire wi' his wee round face,
Laughung at the fuffin' lowe,what sees he there?
Ha! the young dreamers biggin' castles in the air.
His wee chubby face,and his touzie curly pow,
Are laughing and nodding to the dancing lowe.
He'll brown his rosy cheeks,and sing his sunny hair,
Glowering at the imps wi' their castles in the air.

He sees muckle castles towering to the moon!
He sees little sodgers pu'ing them a down!
Worlds wombling up and doun,bleezing wi' a flare,
See how he loups!as they glimmer in the air,
For a' sae sage he looks,what can the laddie ken?
He's thinking upon naething,like many mighty men,
A wee thing mak's us thing, a sma' thing mak's us stare,
There are mair folk than him biggin' castles in the air.

Sic a night in winter may weel mak him cauld:
His chin upon his buffy hand will soon mak him auld,
His brow brent sae braid, o pray that daddy care,
Would let the wean glare wi' his castles in the air!
He'll glowre at the fire!and he'll keek at the light!
But many sparkling stars are swallow'd up by night,
Aulder men than his are glamour'd by a glare,
Hearts are broken,heads are turn'd wi castles in the air.